Қазақстанның Коммунистік Халық партиясы халықтың ең өткір әлеуметтік проблемалары енгізілген “Елдің топ-5 проблемасы” атты рейтинг жариялады, деп хабарлайды тinformburo.kz жаңалықтар ресурсы.
Рейтингтегі бірінші орында коронавирустық инфекция пандемиясы кезеңінде несиені төлемеу және кешіктіру проблемасы тұр. Екінші орын – тұрғын үй мәселесі, үшінші орын – тұрғын үй-коммуналдық қызметтерге тарифтерді көтеру.
Сондай-ақ егде жастағы қазақстандықтар зейнетақы жасының өсуіне және зейнетақы төлемдерінің аз мөлшеріне шағымданады. Жастар өз кезегінде өзін-өзі оқшаулау кезеңінде тұрмыстық зорлық-зомбылық проблемасы ушығып кетті деп мәлімдейді.
Рейтинг осы жылдың қаңтар-мамыр айларында “Шапағат” жобасы бойынша Халықтық Компартияның қабылдау бөлмесіне түскен шағымдар негізінде жасалды.
Коммунистер өткен жылмен салыстырғанда оларға азаматтардан шағымдар жиі түсе бастағанын атап өтті.
Бұған дейін “Халық коммунистері” фракциясының мүшелері атқарушы билік басшысы Асқар Маминнің атына елде зейнеткерлік жасты төмендету қажеттігі туралы депутаттық сауал жолдаған болатын. Үкімет оларға бұл мәселе қарастырылмайды деп жауап берді.
Сурет: inform.kz
