Қазақстан Республикасының Президенті Қасым-Жомарт Тоқаев бүгін Министрлер Кабинетіне елдің Әлеуметтік кодексін әзірлеуге кірісуді тапсырды, деп хабарлайды «ҚазАқпарат» жаңалықтар ресурсы.
Жаңа кодекс бойынша Қазақстан Коммунистік Халық партиясының көшбасшысы Айқын Қоңыров өз пікірін білдіруді ұйғарды.
Коммунистің пікірінше, Әлеуметтік кодекстің құрамына қазір біздің азаматтарды толғандыратын барлық мәселелер кіреді.
«Үкімет пен депутаттар жұмыс істейтін осы Кодекске қоғамды қолдайтын, оны дамытатын барлық қажетті элементтер енгізіледі деп ойлаймын. Сондықтан Әлеуметтік кодекс ерекше мәртебеге ие болады және Әлеуметтік кодекс пайда болса, елдің әлеуметтік бағдарланған бюджетінің ашық әрі түсінікті болады»,-деді депутат.
Айқын Қоңыров жаңа кодекс қабылданғаннан кейін, қоғам бюджет қаражатының қандай мақсаттарға жұмсалатынын және халыққа қолдау көрсетуге қандай сома жұмсалатынын көріп отыратынына сенім білдірді.
Сондай-ақ, коммунист жақын арада депутаттық корпус Қасым-Жомарт Тоқаевтың бүгінгі парламенттік сессияның ашылуында айтқан Жолдауын қолдау үшін қажетті заңнамалық бастамаларды әзірлейтінін мәлімдеді.
Сурет: pkzsk.info
