Қазақстанның премьер-министрі Асқар Мамин Үкімет отырысы барысында “Нұрлы жол” мемлекеттік бағдарламасын қорытындылады. Бұл туралы Қазақстан Республикасы министрлер кабинетінің баспасөз қызметі хабарлады.
Отырыс барысында премьер-министр биылғы жылы “Нұрлы жол” мемлекеттік бағдарламасын жүзеге асыру аяқталатынын, оның аясында тиімді көлік-логистикалық жүйе салынғанын атап өтті.
“Елбасының тапсырмасы бойынша, Еуропа мен Азия арасындағы трансконтиненталдық көпірге айналдыру үшін,өңірлік көліктік-логистикалық және іскерлік хаб құру жұмысы белсенді жүргізілуде”, – деді Мамин.
2020-2025 жылдарға арналған жаңа мемлекеттік бағдарлама туралы айта келе, үкімет басшысы оның аясында көлік-логистикалық инфрақұрылым мен елдің транзиттік әлеуетін одан әрі жетілдіру жұмыстары жалғастырылатынын атап өтті.
“Елбасы Nur Otan фракциясының жуырдағы отырысында бағдарламаның жаңа бесжылдығы негізгі мемлекеттік бағдарламалардың бірі болып табылатынын атап өтті. Ол елдің көлік инфрақұрылымы мен транзиттік әлеуетін одан әрі дамытуға бағытталған. Жалпы, бағдарламаның жаңа кезеңдерінің амал-тәсілдері мен негізгі бағыттарын қолдаймын”, – деді премьер-министр.
Осыған орай, Асқар Мамин Қазақстанның индустрия және инфрақұрылымдық даму министрлігіне осы жылдың соңына дейін жаңа мемлекеттік бағдарлама жобасын қабылдауды қамтамасыз етуді тапсырды.
