Қазақстан Премьер-Министрі Асқар Мамин Үкіметтің кезекті отырысында жалақы бойынша берешек мәселесін көтерді. Бұл туралы оның баспасөз қызметі хабарлады.
Қазақстандық министрлер кабинеті басшысының айтуынша, Қазақстан Республикасы Еңбек және халықты әлеуметтік қорғау министрлігі жалақы бойынша берешек мониторингінің қазіргі алгоритмін қайта қарау керек.
Сонымен бірге Асқар Мамин жоғарыда аталған министрлік басшылығына, сондай-ақ «Атамекен» Ұлттық кәсіпкерлер палатасының басшылығына жалақыны кешіктіргені үшін жазаны қатайтуды тапсырды.
«Қандай да болмасын еңбек жанжалдары мемлекеттік органдардың қатысуымен шешіледі, ал бұл мәселелер алдымен жұмыс беруші деңгейінде шешілуі тиіс. Еңбек министрлігіне кәсіподақтармен, «Атамекен» ҰКП-мен, мүдделі органдармен бірлесіп, жыл соңына дейін әлеуметтік әріптестікті трансформациялау бойынша ұсыныстар енгізуді тапсырамын», — деді Асқар Мамин.
Сурет:Primeminister.kz
