Қазақстан Республикасы министрлер кабинетінің басшысы Асқар Мамин «Нұрлы жер» бағдарламасы аясында елордада салынып жатқан әлеуметтік тұрғын үй құрылысының барысын тексерді. Бұл туралы премьер-министрдің баспасөз қызметі хабарлайды.
Мәселе «Бағыстан» және «Bazis» тұрғын үй кешені туралы болып отыр. Олар биылғы жылы пайдалануға беріледі деп жоспарлануда.
Қазір аталған нысандардың құрылыс алаңдарында 500-ге жуық адам жұмыс істеп жатыр. Құрылыс жұмыстары қазіргі заманғы технологияларды қолдану арқылы екі ауысымда жүргізілуде.
Құрылыс алаңдарын аралау барысында қазақстандық премьер-министр барлық жоспарланған жұмыстар сапалы және мерзімінде орындалуы тиіс деп мәлімдеді.
Сонымен қатар, Асқар Мамин індет жағдайында құрылыс қарқынын арттыру, бар жұмыс орындарын сақтау және жаңа жұмыс орындарын құру маңызды міндет екенін атап өтті.
Биыл Нұр-Сұлтанда үш миллион шаршы метрге жуық, ал Қазақстанда барлығы 15 миллион шаршы метр тұрғын үй салу жоспарланды.
Бұған дейін БАҚ-та Қазақстанның елордасында 500-ден астам нысанның құрылыс жұмыстары жанданып, соның арқасында 40 мыңға жуық адам жұмыс орындарына оралғаны хабарланған.
