Қазақстан премьер-министрі Асқар Мамин жұмыс сапарымен Мақтаарал ауданында болып, Мырзакент елді мекеніне барды, деп хабарлайды zakon.kz жаңалықтар ресурсы.
Қазіргі таңда Мырзакент кентінде су тасқынынан зардап шеккен азаматтарды қоныстандыратын 500 жаңа үйдің құрылысы жүріп жатыр.
Еліміздің министрлер кабинетінің басшысы тұрғын үй құрылысының барысымен танысып, кейін барак үлгісіндегі жатақханаларда тұратын отбасыларын қоныстандыратын тағы да 28 үй салу керектігін мәлімдеді.
1 мамыр күні Өзбекстанда Сардоба су қоймасының бөгеті бұзылып, нәтижесінде Мақтаарал ауданының коллекторларына су толды, нәтижесінде ауылдарды су басты.
Су тасқыны салдарынан мыңнан астам үй, үш оқу мекемесі, бес балабақша мен төрт медициналық нысан зардап шекті. Сонымен қатар, су басқан 14 ауылдан 31 мыңнан астам адам эвакуацияланды.
Бүгінгі таңда Қазақстандық төтенше жағдайлар комитетінің қызметкерлері апат аймағынан 6 миллион текше метрге жуық суды сорғышпен шығарды.
Сурет: zakon.kz
