Біздің елімізде төтенше жағдай режимін қамтамасыз етуге жауап беретін мемлекеттік комиссияның бірінші отырысы өтті. Бұл туралы ҚР премьер-министрінің баспасөз қызметі хабарлайды.
Отырыс министрлер кабинетінің басшысы Асқар Маминнің төрағалығымен өтті, оның шеңберінде коронавирустың таралуын болдырмауға және еліміздің өңірлерінде әлеуметтік-экономикалық тұрақтылықты қамтамасыз ету бойынша қабылданып жатқан шаралар туралы баяндамалар тыңдалды.
Асқар Мамин өз кезегінде бірқатар нақты тапсырмалар берді, олардың арасында санитарлық-эпидемияға қарсы іс-шараларды өткізу бойынша шараларды күшейту болды.
Сонымен қатар, премьер-министр дәріханаларды қажетті медициналық препараттармен және жеке қорғану құралдарымен қамтамасыз ету бойынша шаралар қабылдауды тапсырды.
Сондай-ақ кездесу барысында Мамин ішкі істер министрлігі мен арнайы органдарға тапсырма берді. Оларға инфекцияның таралуына қарсы күреске тартылған медициналық және карантиндік нысандардыі күзетуді күшейту тапсырылды.
Сауда министрлігіне тамақ өнімдері мен бірінші кезекте қажетті тауарларды үздіксіз жеткізу туралы мәселені пысықтау, ал сандық даму министрлігіне жоғары жылдамдықты интернеттің жұмысын барынша қамтамасыз ету жөнінде шаралар қабылдау тапсырылды.
Әкімдіктерге Үкімет басшысы коронавирустың таралуын болдырмау және республикада тұрақты жағдайды сақтау үшін барлық шараларды қабылдауды тапсырды.
Сурет: Tengrinews.kz
