Казақстан Республикасының Премьер-министрі Асқар Мамин Үкімет отырысын қорытындылай келе, бөлшек тауар айналымындағы электрондық сауда көлемі мен үлесі 1,5 еседен астамға артқанын хабарлады. Бұл туралы «ҚазАқпарат»жаңалықтар ресурсы хабарлады.
«Бүгінгі таңда әлемдік трендтерге сәйкес Қазақстанда, әсіресе эпидемия жағдайында электронды сауданың қарқынды дамуы жүріп жатыр. Бөлшек тауар айналымындағы электрондық сауданың көлемі мен үлесі бір жарым еседен астам өсті», — деді Мамин.
Министрлер кабинеті басшысының айтуынша, бұл нарық сегментінің үлкен мүмкіндіктері бар. Сонымен қатар, ол логистика, контейнерлік тасымалдау, курьерлік қызметтер, цифрлық сервистер мен қызметтер, сондай-ақ еңбек нарығы сияқты экономиканың ілеспе секторларына мультипликативтік әсер етеді.
«Біздің алдымызда электронды сауда рәсімдерін жеңілдететін тиімді шараларды қалыптастыру, қаржыландыруға қол жеткізу, әлеуметтік желісі арқылы мәмілелер жасасуға деген сенімділікті арттыру, сондай — ақ киберқылмысқа қарсы тұру міндеті тұр», — деді үкімет басшысы.
Бұдан басқа, премьер онлайн-саудада тұтынушылардың мүдделерін қорғауды қамтамасыз етуді тапсырды. Бұған сауда министрлігі Ұлттық экономика министрлігімен бірге айналысады. Олардың алдында Мамин «бір терезе» қағидасы бойынша тұтынушылардың шағымдары мен ұсыныстарын қабылдаудың бірыңғай платформасын іске қосу жөніндегі қызметті жандандыру, сондай-ақ тиімді кері байланыс орнату міндетін қойды.
Сурет: lenta.inform.kz
