Қазақстан Премьер-министрі Асқар Мамин Үкімет отырысы кезінде біздің елде бизнесті пайымдау жағдайын жақсарту қажеттігін мәлімдеді. Бұл туралы оның баспасөз қызметі жазды.
“Қалалардағы рейтинг қорытындысы бойынша Алматы қаласы, Маңғыстау және Ақтөбе облыстары әкімдерінің жүргізген тиімді жұмысын атап өткім келеді. Реформаларды жергілікті жерлерде сапалы және уақтылы жүзеге асыру өте маңызды. Әрбір әкім олардың нәтижелері үшін жауапты болады. Мұндай тәжірибені басқа халықаралық маңызды рейтингтер бойынша да тарату қажет. Ұлттық экономика министрлігіне мүдделі мемлекеттік органдармен бірлесіп үстіміздегі жылдың қазан айының соңына дейін бизнесті жүргізу жағдайын жақсарту бойынша кезекті сегізінші түзету пакетін дайындауды тапсырамын”, – деді Мамин.
ҚР Үкіметі басшысы бұл пакет кәсіпорындар ашу, меншікті тіркеу, сондай-ақ құрылысқа рұқсат алу кезінде инвесторлар үшін негізгі бизнес-үдерістерді дамыту реформасын қарастыратынын атап өтті.
Сондай-ақ, Асқар Мамин еліміздің халықаралық рейтингтердегі орнын одан әрі жақсарту үшін қолда бар іс-шараларды өзектендіру және жаңа іс-шаралар жоспарын дайындап, осы рейтингтерде Қазақстанның орнын көтеру үшін бағдарламалық мақсатты индикаторлар құжаттарына бекіту мәселесіне ерекше назар аудару қажет екенін айтты.
Сонымен қатар, ҚР Премьер-министрі өңірлер әкімдеріне жүргізіліп жатқан реформаларды орындау және бизнеске қолайлы жағдай жасау бойынша жұмысты күшейтуді тапсырды.
“Барлық негізгі бағыттар бойынша өңірлер рейтингі жүргізіледі. Бұл мәселе үкіметтің жобалық офисінің тұрақты бақылауында, жүргізіліп жатқан жұмыстың нәтижелерін талқылайтын боламыз”, – деп қортындылады Асқар Мамин.
