Қазақстан Премьер-министрі Асқар Мамин Үкімет отырысы кезінде әлеуметтік маңызы бар азық-түлік тауарларының бағасын бақылау қажеттігін мәлімдеді.
«Әкімдер бағаның өсуіне жол бермеу мәселесін ерекше бақылауда ұстауы және жедел шаралар қабылдай отырып, күнделікті мониторинг жүргізуі тиіс. Әкімдіктерге әлеуметтік маңызы бар азық-түлік тауарларына бағаны тұрақтандыру тетіктерін іске асырудың үлгі аймақтық ережелерін бекіту жөніндегі жұмыстарды жеделдету және өнімді тұрақтандыру қорына алдын ала кірісу тапсырылды. ӘКК шоттары мен депозиттерінде сатып алу интервенцияларын жүзеге асыру үшін 3,7 млрд теңге бар», — деді Асқар Мамин.
Үкімет басшысының айтуынша, тұрақтандыру қорының жұмысын арттыру үшін олардың қызметіне тексеру жүргізу, сондай-ақ тауар интервенцияларын жүргізу үшін сатып алуды жүзеге асыру қажет.
Сонымен қатар, отырыс барысында премьер-министр әлеуметтік маңызы бар он өнім өндіру бағдарламасын әзірлеуді тапсырды.
Сондай-ақ, Асқар Мамин сауда және интеграция министрлігіне таяу уақытта арнайы платформа әзірлеуді тапсырды.
