Қазақстан Үкіметінде құрылыс саласын дамытуға қатысты мәселелер қаралған кеңес өтті. Бұл туралы Қазақстан премьер-министрінің баспасөз қызметі хабарлады.
Министрлер кабинетінің басшысы Асқар Маминнің төрағалығымен өткен кеңеске құрылыс саласына жетекшілік ететін министрліктердің және «Атамекен» Ұлттық Кәсіпкерлер палатасының басшылары, сондай-ақ кездесуге қазақстандық құрылыс бизнесінің өкілдері қатысты.
Кеңеске қатысушылар алдында сөз сөйлеген Асқар Мамин құрылыс секторы біздің мемлекет экономикасының өсуінің басты драйверінің бірі болып табылатынына назар аударды. Осыған байланысты ол отандық құрылыс компаниялары халықаралық нарықтарда жұмыс істеп, құрылыс тауарларын ғана емес, қызметтерді де сату керектігін мәлімдеді.
Сондай-ақ, кездесуде Қазақстанда құрылыс секторының өсу қарқыны айтылды, ол 12,7%-ды құрады. Республикамыздың ЖІӨ құрылымындағы осы саланың үлесі туралы айтатын болсақ, ол 5,5%-ды құрайды.
Сонымен қатар, кеңеске қатысушылар бүгінгі күні елімізде негізгі құрылыс материалдарының өндірісі жолға қойылғаны туралы хабардар болды.
Сонымен қатар, кездесу аясында қазақстандық құрылыс материалдарын өндірушілерге қолдау көрсетуге, сәулет, қала құрылысы және құрылыс қызметі саласындағы заңнамалық базаны дамытуға байланысты мәселелерге назар аударылды.
Сурет: Prime minister.kz
