Атқарушы билік басшысы Асқар Мамин министрлер кабинетінің отырысында Қазақстанда аралас секторларда қосымша 100 мың тұрақты жұмыс орны құрылатынын мәлімдеді.
Премьер-министрдің айтуынша, қазір инфрақұрылымдық жобалар тізімі оңтайландырылуда, бұл ретте жаңа жұмыс орындарын құруға және өңірлердің әлеуметтік инфрақұрылымындағы оң өзгерістерге баса назар аударылуда. Мамин атап өткендей, бұл жобаларды іске асыру қосымша 100 мың тұрақты жұмыс орнын құруға мүмкіндік береді.
Үкімет басшысы еліміздің төрт өңірінде жұмыспен қамтуды қолдау шараларын енгізу бойынша жақсы динамиканы атап өтті.
“Жалпы, төрт өңірде жұмыспен қамтуды қолдау шараларын жүзеге асыруда жақсы динамиканы атап өткен жөн. Бұл Шымкент, Жамбыл, Солтүстік Қазақстан, Шығыс Қазақстан облыстары. Батыс Қазақстан облысында төмен көрсеткіштер бар”, – деді Асқар Мамин.
Сурет: inform.kz
