Бүгіннен бастап Нұр-Сұлтан аумағында шектеу шараларын күшейтуді көздейтін қаулы күшіне енеді. Бұл туралы елорда атқарушы органының баспасөз қызметі хабарлады.
Коронавирустің өршуіне байланысты Нұр-Сұлтандағы сауда-ойын-сауық орталықтары толымдылығы 30%-дан аспаған жағдайда ғана жұмыс істеуге рұқсат етіледі.
Сондай-ақ, сауда орталықтарында барлық белгіленген санитарлық ережелер сақталуы тиіс. Қаулыға сәйкес, жұмыс күндері СОО 10:00-ден 22:00-ге дейін ашық болады. Демалыс күндері оларға жұмыс істеуге тыйым салынады, бірақ бұл оларда орналасқан дәріханалар мен азық-түлік пен бірінші кезектегі қажетті тауарларды сататын сауда орындарына қатысты емес.
Қаулыда көрсетілгендей, қоғамдық тамақтану объектілері 30 отыратын орыннан аспайтын толымдылығы сақталған жағдайда ғана жұмыс істей алады. Сонымен қатар, олар өз қызметін жұмыс күндері де, демалыс күндері де 7:00-ден 20:00-ге дейін жүргізе алады. Алайда түрлі бұқаралық іс-шараларды өткізуге тыйым салынады. Бұл талап бұзылған жағдайда объектінің қызметіне тыйым салынады.
Ресми мәліметтер бойынша, қазіргі уақытта республиканың бас қаласы коронавирустық инфекцияның таралу қарқыны бойынша “қызыл” аймақта. Нұр-Сұлтанда барлығы 20020 жұқтыру оқиғасы тіркелді.
Сурет: tengrinews.kz
