Солтүстік Қазақстан облысының әкімі Құмар Ақсақалов Петропавл қаласында өткен халықпен кездесуде, өзін қатты мазалайтын мәселелер туралы айтып берді.
Ең алдымен, аймақ әкімін жалақы мен азық-түлік бағасының өсуіне бақылау жасауды қамтамасыз ету алаңдатады.
Құмар Ақсақалов Қазақстанда өзіне қажетті өнімнің 90%-ын өндіретін аймақта ең төмен баға
болуы тиіс екеніне сенімді. Бірақ қазір жағдай керісінше, өңірде ең жоғары баға.
Облыс әкімі Петропавл және Павлодар қалаларындағы кейбір азық-түлік бағасын салыстырды. Оның ақпаратына қарағанда, Петропавлда бірінші сұрыпты ұн 109 теңге, Павлодарда-81 теңге. Петропавлда күріш 238 теңге, Павлодарда – 210 теңге, картоп – 69 теңге, Павлодарда – 66 теңге сатылуда.
“Біз өзімізді тең жағдайдағы қалалармен салыстыруымыз керек. Бұл Көкшетау, Қостанай, Павлодар. Өзімізді Ақтау немесе Атырау – мұнай өңірлерімен салыстыруға болмайды. Онда жалақы жоғары, шығындар да жоғары. Жалақы деңгейі мәселесі бойынша қала әкімдігі мен облыс әкімдігі қарулануы тиіс. Бізде орташа жалақы – 129 мың теңге. Шамамен Көкшетау мен Қостанай деңгейінде, Павлодарға жол беріп отырмыз. Біз баға бойынша сұрақтар бар екенін көріп отырмыз. Қалалық әкімдіктің кәсіпкерлік бөлімі оларды үнемі бақылауда ұстауы керек”, – деді облыс әкімі.
Сондай-ақ, өңір әкімінің қайта өңдеу өнеркәсібінің дамуы да алаңдаушылық тудырады. Облыс сүт өндіру көлемі бойынша республикада үшінші орында – жылына 550 мың тонна. Дегенмен, қайта өңдеу өте аз.
Мысал ретінде Құмар Ақсақалов ірімшік өндірісін келтірді. Аймақ өзін осы өнімнің 10% ғана қамтамасыз етеді. Әкім сүт өңдеу және ірімшік өндірумен айналысатын кәсіпкерлерге көмек көрсетуді ұсынды.
Сулет: inform.kz
