Биыл Қостанай облысында Кейкі батыр кесенесінің жанында құрамына мұражай, бірнеше кинозал, 9 орындық пантеон, тұрғын үй мен көрме кіретін арнайы кешеннің құрылысы басталуы мүмкін. Бұл туралы Арқалық қаласы әкімінің баспасөз қызметі хабарлады.
Арқалық қаласына құрметті қонақтар келді: меценат және танымал саяхатшы Сапар Ысқақұлы, бұрынғы сенатор, заң ғылымдарының кандидаты Серік Ақылбай, сондай-ақ сәулетші Сағындық Смайылұлы және Республиканың Ұлттық мұражайының қызметкері, археолог Ақан Оңғарұлы.
Қала қонақтарын әкім Эльдар Күзенбаев қарсы алды.
Құрметті қонақтардың сапарының мақсаты – Торғай ауданындағы археологтар тапқан сақ кезеңінің таза алтыннан жасалған құйманы салтанатты тапсыру.
Делегация белгілі меценат Сапар Ысқақұлының бастамасымен келді. Ол табылған алтынды қалалық мұражайға беруге бастамашылық етті.
Бұдан басқа Ысқақұлы қала әкіміне Кейкі батыр кесенесінің жанында арнайы кешен салуды ұсынды.
Құрылыс үшін қаражат бар. Егер қала әкімі жобаны мақұлдаса, құрылыс ағымдағы жылдың мамыр айында басталып, келесі жылдың басында аяқталады.
Жоба бойынша жаңа кешеннің жалпы алаңы 500 шаршы метрден асады және оны Астана қаласындағы өкілдік – Сағадат Нұрмағанбетов атындағы қор, Сапар Ысқақұлының басшылығымен қаржыландырады.
Сурет: liter.kz
