2022 жылға қарай республикамыздың барлық халқы кең жолақты интернетке қол жеткізе алатын болады. Бұл туралы Қазақстанның сандық даму министрлігінің өкілі Гүлнар Бөкеева мәлімдеді.
Парламенттің жоғарғы палатасында өткен дөңгелек үстел барысында департамент директоры елімізде 2022 жылға қарай азаматтардың 97 % кең жолақты интернетке қол жеткізуін қамтамасыз етуге мүмкіндік беретін екі жоба іске асырылып жатқанын айтты.
Оның айтуынша, бүгінде Қазақстанның барлық ірі қалаларында, аудан орталықтарында және 3,4 мыңға жуық ауылдарда интернетке қолжетімділік бар. Яғни, қазақстандықтардың 90%-ға жуығы қамтамасыз етілген. Сондықтан да жаңа жобаларды іске асыру туралы шешім қабылданды, соның арқасында бұл көрсеткіш артады.
Гүлнар Букеева бірінші жоба жалпы ұзындығы 20 мың шақырымнан асатын талшықты-оптикалық байланыс желілерін қолдану арқылы ауылдық жерлерде интернетке қосылуды көздейді деп түсіндірді.
Екінші жобада төртінші буынды ұтқыр байланыс желілерін салу және Қазақстан ауылдарында басқа технологияларды енгізу қарастырылған. Букеева бұл жоба 2022 жылға дейін жүзеге асырылатынын айтты.
Министрліктің өкілі атап өткендей, осы жобалардың арқасында 18 миллионға жуық қазақстандық, еліміздің 97% -ы, кең жолақты интернетке қол жеткізеді. Қалған 3% интернетті байланыс серігі арқылы пайдалана алады.
Сурет: etcetera.media
