Қазақстан Республикасы Индустрия және инфрақұрылымдық даму министрлігі Қазақстанға “ашық аспан”режимінде жаңа авиакомпанияларды тарту бойынша жұмыс жүргізуде. 2019 жылғы 8 қарашада Доха қаласында (Катар) Қазақстан Республикасы мен Катар мемлекетінің авиациялық биліктері келіссөздер жүргізді, деп “ҚазАқпарат” ХАА Telegram-ге сілтеме жасап хабарлайды.
Катар делегациясын Катар азаматтық авиация әкімшілігінің президенті Абдулла Нассер Турки Аль-Субаи, қазақстандық тараптан ҚР МИИР азаматтық авиация комитетінің төрағасы Талғат Ластаев қатысты. Келіссөздерге Катардағы ҚР Елшісі Асқар Шоқыбаев, “Qatar Airways”, “Air Astana” әуе компанияларының, Алматы қаласы әуежайының өкілдері қатысты.
Нәтижесінде Нұр-сұлтан мен Дохой арасында аптасына 7 рейс, Алматы мен Дохой арасында аптасына 7 рейс және аптасына 7 жүк рейсі, сондай-ақ Қазақстандағы “ашық аспан” режимі аясында бесінші “ауа еркіндігі” дәрежесімен тұрақты рейсті орындау үшін құқықтық база бекітілді.
“Qatar Airways” авиакомпаниясының аға вице-президенті Фатхи Аттидің ақпараты бойынша, Нұр-сұлтан мен Доха арасындағы алғашқы рейстерді ағымдағы жылдың желтоқсан айында іске қосу жоспарланып отыр. Бұл қазақстандық жолаушыларға әлемнің 160 бағыты бойынша саяхат жасауға мүмкіндік береді.
Qatar Airways-Катар ұлттық әуекомпаниясы, әлемдегі ең ірі әуекомпаниялардың бірі. Әуе кемелерінің паркі 233 әуе кемелерінен тұрады. Әуетасымалдаушының басты транзиттік хабы Доха қаласындағы Хамад халықаралық әуежайы болып табылады. 2018 жылдың қорытындысы бойынша әуекомпания 29 млн жолаушы тасымалдады.
