Оған “Самұрық-Қазына” АҚ Басқарма Төрағасы Ахметжан Есімов Атырау және Маңғыстау облыстарына жұмыс сапары барысында көз жеткізді. Атап айтқанда, Қор басшысы полипропилен өндіретін зауыт құрылысының барысымен, “Қашаған” кен орнының жұмысымен және Маңғыстау облысының жобаларымен танысты.
Сапар барысында Ахметжан Есімов “Қашаған” кен орнының теңіз кешенінің D аралында болып, нысанның ағымдағы жағдайымен танысты. Бұған дейін хабарланғандай, “Қашаған” кен орнындағы мұнай өндіру деңгейі күрделі жөндеуден кейін күніне 400 мың баррельге жетті. 2018 жылдың нәтижесі бойынша 11,3 млн. т. жоспарланса, өндіру 13,2 млн. т құрады.
“Kazakhstan Petrochemical Industries” газ-химия кешенін аралау барысында Ахметжан Есімов менеджмент ауысқаннан кейін нысанның құрылыс барысын оң бағалады.
Қазіргі уақытта жобаны жүзеге асыру үрдісі 34 % құрайды, 2017 жылдың 27 қарашасынан бастап 2018 жылдың 28 маусымына дейінгі кезеңде жобаны іске асыру үрдісі 6% деңгейінде болды. Қазіргі уақытта зауыттың бас жоспары мен технологиялық схемалар бекітілді. Құрылыстың аяқталуы 2021 жылдың ортасына жоспарлануда.
Сонымен қатар, Ахметжан Есімов Маңғыстау облысының әкімі Серікбай Трумовпен ҰӘҚ-мен өзара іс-қимыл мәселелері бойынша кеңес өткізді. Тараптар ағымдағы өзара іс-қимылды және компаниялар тобының жобаларын, соның ішінде қайырымдылық жөніндегі жобаларды дамыту перспективаларын талқылады.
Қордың портфельдік компаниялары Маңғыстау облысы бюджетінің 38%-нан астамын құрайды. Жалпы, қордың активтері шамамен 67 млрд долларды құрайды. Компаниялар тобына мұнай-газ және көлік-логистикалық секторлар, химия және атом өнеркәсібі, тау-кен металлургия кешені, энергетика кәсіпорындары кіреді.
