Санкт-Петербург қаласында Каспий маңы мемлекеттерінің әскери-теңіз Күштерінің қолбасшылары өзара түсіністік туралы Меморандумға қол қойды. Ынтымақтастық қауіпсіздік, кадрлар даярлау, техникалық және теңіз арнайы қызметтері саласында жүргізілетін болады.
Қол қою кезінде тараптар Каспийдегі өзара іс-қимыл мен тұрақтылықты арттыруға қатысты бірқатар мәселелерді талқылады.
Кездесу Өткен жылы Каспий саммиті кезінде Қазақстан, Ресей, Түркіменстан, Иран және Әзірбайжан президенттерінің қол жеткізген уағдаластықтары аясында өтті.
«Мемлекеттер арасындағы Каспийдің мәртебесі мәселесі шешілді. Енді келесі кезең, гуманитарлық және экономикалық мәселелермен қатар Каспийдің қауіпсіздігі мәселесі тұр. Каспий маңы мемлекеттерінің қауіпсіздігі — өңірдің барлық елдері үшін маңызды құрамдас бөлігі», — дейді Әзірбайжан сарапшысы Шаир Рамалданов.
Ол бұл шарт Каспий қайраңында жүзеге асырылып жатқан Халықаралық энергетикалық жобалар үшін өте маңызды екенін атап өтті.
Сурет: weaponews.ru
