Каспий теңізінің құқықтық мәртебесі жөніндегі Конвенцияның ережелерін іске асыру мақсатында жұмыс тобының бірінші отырысы ақпан айына жоспарланған. Өтетін орны-Баку.
“Қазіргі уақытта отырыс күні келісілуде”, – деп хабарлады сыртқы саяси ведомствоның ресми өкілі.
Естеріңізге сала кетейік, бұған дейін отырыс өткен жылдың қараша айында өткізуді жоспарлаған болатын, бірақ оны жалпы көзқарастарды қалыптастыру үшін кейінге қалдырды.
2018 жылғы 12 тамызда Ақтау қаласында Каспий маңы мемлекеттерінің бесінші саммитінің қорытындысына сәйкес Каспийдің құқықтық мәртебесі жөніндегі Конвенция қабылданғаннан кейін сол жылдың күзінде Әзірбайжанда Каспий маңы мемлекеттері – Ресей, Қазақстан, Иран, Әзірбайжан және Түркіменстан Сыртқы істер министрліктерінің қамқорлығымен арнайы жұмыс тобының бірінші отырысын өткізу туралы уағдаластыққа қол жеткізілді.
Әзірбайжанның Сыртқы істер министрлігі қызметкерлерінің пікірінше, бүгін басты міндет – жағалаудағы елдердің аумақтық суларын анықтау мақсатында теңізде тікелей бастапқы желілерді орнату әдістемесі туралы келісім жасау.
Сурет: kaztag.info
