Солтүстік Қазақстан облысында карантиндік және шектеу режимі мен санитарлық ережелер талаптарын бұзғандарға жалпы сомасы 29,9 млн теңге болатын, 434 айыппұл салынды, деп хабарлайды “ҚазАқпарат” ХАА.
Санитарлық-эпидемиологиялық бақылау департаменті баспасөз қызметінің мәліметінше, сотта әкімшілік құқық бұзушылық туралы екі хаттама лауазымды тұлғаларға, төртеуі заңды тұлғаларға, 15-і жеке кәсіпкерлерге және 413-і жеке тұлғаларға қатысты 15 материал бар.15 жағдайда адамдар құқық бұзушылықтың болмағанынан әкімшілік жауапкершіліктен босатылды. Ең көп бұзушылар Петропавлда -127. Аудандар арасында Аққайың, Тайынша және Уәлиханов бірінші орында тұр.
“Жыл басынан бері облыс аумағында жаппай іс-шараларды өткізу және оған қатысқаны үшін бес жеке кәсіпкер 1,4 млн.теңге көлемінде айыппұл төледі, нысандардағы әкімшілер мен жауапты тұлғалар – 218,7 мың теңге көлемінде 5 айыппұл төледі. Іс-шараны ұйымдастырушылар 700 мың теңге сомасына 15 айыппұл төледі”, – деп хабарлады баспасөз қызметі.
Рейдтер кезінде мониторингтік топтар көбінесе жеке тұлғалардың бетперде режимін бұзуын, бұқаралық іс-шаралар өткізуді, дезинфекция режимін бұзуды, бетпердесіз келгендерге қызмет көрсету, нысандардың жұмыс режимін бұзуы, өнімді буып-түйілмеген, оралмаған түрде өткізу анықтады. Облыс бойынша қолданыстағы карантиндік және шектеу шараларының сақталуын бақылау бойынша барлығы 23 мониторингтік топ жұмыс істейді. Жыл басынан бері олар 9473 нысанда 1316 рейд жүргізді. 433 бұзушылық анықталды.
