Қобда ауданында кеңес өтіп, канадалық компания өкілдері Ақтөбе жолдарын жөндеуге ниетті екенін мәлімдеді. Бұл туралы облыс әкімдігінің баспасөз қызметі хабарлады.
Кеңеске Қобда ауданының әкімі Мейрамбек Шермағамбет, облыстық автомобиль жолдары және жолаушылар көлігі басқармасының басшысы Мәлімбет Ибрашов, канадалық “CanRos GRP Inc” компаниясының президенті Юрий Тарасов және 20-дан астам мердігер компания өкілдері қатысты.
“Біздің алдымызда 2025 жылға дейін жақсы және қанағаттанарлық жолдардың үлесін 95% – ға немесе 4,7 мың километрге дейін жеткізу міндеті тұр. Жыл сайын біз облыстық және аудандық маңызы бар кем дегенде 500 км жолды жөндеуге тиіспіз, іс жүзінде бюджеттен 300 км жолды жөндеуге қаржы бөлінеді”, – деп атап өтті облыс әкімі Оңдасын Уразалин.
“CanRos GRP Inc” компаниясы жолдарды сапалы жөндеуден өткізуді ұсынды. Жұмыста қиыршықтас пайдаланылмайды, бұл шығындарды едәуір төмендетеді. Алдын ала есептеу бойынша, жол жұмыстары 28 миллион теңгені құрайды, оның орнына 40 миллион теңге.
“ҚР аумағында жол құрылысында қолданылатын өнімдерді сатуға рұқсат алған жағдайда және сараптама мақұлдағанда канадалық компания облыс аумағындағы автожолдарды жөндеумен айналыса алады”, – деп атап өтті әкім.
Сурет: inform.kz
