Қазақстан Республикасы Ұлттық қауіпсіздік комитеті қаза тапқандар туралы материал жариялады, деп zakon.kz хабарлайды.
ҰҚК-де ҚР ҰҚК авиациялық қызметі әскери қызметшілерінің әскери борышын өтеу кезінде қайғылы жағдайда қаза тапқан отбасыларына, туған-туыстары мен жақындарына қайғырып, көңіл айтады:
— майор Барлықбаев Ғабит Есімбайұлы, 19.10.1984 жылы туған, авиация бөлімінің штурманы;
— капитан Баймұратов Досжан Ғалымбекұлы, 15.12.1985 ж. т., авиация бөлімінің ұшу тобының борттық техникасы;
— аға лейтенант Сағымбаев Мұхтар Қажымұқанұлы, 24.11.1994 жылы туған, авиация бөлімінің ұшу тобы экипажының штурманы;
— сержант Васильков Евгений Борисович, 10.11.1985 ж.т., авиация бөлімінің ұшу тобының аға борт механигі.
13 наурызда Алматыда әскери ұшақ құлады. Төрт адам қаза тауып, екі адам Алматы қаласының №4 Қалалық клиникалық ауруханасына жеткізілді.
ҚР Президенті Қасым-Жомарт Тоқаев қаза тапқан әскери қызметшілердің отбасыларына көңіл айтты. Ол ұшақ апатының себептерін анықтауды тапсырды.
АН-26 әскери-көлік ұшағының экипажы тәжірибелі және кәсіби даярлықтан өткен, олар өмірінің соңына дейін ант пен әскери абыройға адал болған. Олар туралы жарқын естелік Қазақстан Республикасы Ұлттық қауіпсіздік органдары қызметкерлерінің жүрегінде мәңгі сақталады. Біз осы ауыр және орны толмас жоғалтудың қайғысын шын жүректен бөлісеміз.
