Еліміздің Ұлттық экономика министрлігі жанындағы бизнес-ортаны талдау және мониторинг басқармасының басшысы Мәдина Нұртас Қазақстанда бизнес-климатты жақсарту мәселелері бойынша заңнамалық актілерге түзетулер енгізілгенін айтты, деп хабарлайды lsm.kz. ақпарат ресурсы.
Ол енгізілген түзетулер бизнес үшін бірқатар рәсімдерді жеңілдетуді қарастыратынын айтты. Атап айтқанда, олардың арқасында кәсіпкерлік субъектілері қандай да бір мемлекеттік қызметтерді жылдам ала алатынын түсіндірді.
Мысалы, құрылыс саласында жұмыс істейтін немесе кәсіпкерлік қызметті бастауды жоспарлап отырған бизнесмендер үшін рәсімдер мен мерзімдер 5,5 еседен астам қысқартылды.
Сондай-ақ, бизнесмендерге бұдан былай халыққа қызмет көрсету орталықтарына бару немесе мәмілелерді тіркеу кезінде мөртабан қою үшін нотариустарға жүгіну керек емес, себебі оның енді қажеті жоқ.
Мәдина Нұртас түзетулерге сәйкес Қазақстан Республикасында заңды тұлғалардың жылжымайтын мүлік объектілеріне меншік құқығы туралы ақпарат, сондай-ақ жылжымайтын мүлікке ауыртпалық салу деректері қол жетімді болатынын атап өтті.
Осыған байланысты, оның айтуынша, жылжымайтын мүлікті сатып алу үшін кәсіпкерлерге енді ауыртпалықтың жоқтығы туралы анықтама қажет емес, себебі ол ақпарат еркін қолжетімді болады.
