Ақмола облысы полиция департаментінің қызметкерлері Көшкетауда көші-қон қызметі орталығының жаңа әкімшілік ғимараты ашылғаны туралы ақпарат берді.
КҚҚО-ның негізгі мақсаты — Қазақстан аумағына келген шетелдіктерге мемлекеттік қызмет көрсетудің сапасын жақсарту және мерзімін қысқарту, қызмет көрсетудің қолайлы жағдайларын жасау. Халыққа көші-қон қызметі бұрынғыдай «бір терезе» қағидаты бойынша бірыңғай электрондық кезек тәртібінде көрсетіледі, бұл сыбайлас жемқорлық қаупін болдырмайды», — деп хабарлады ведомстводан.
Жаңа әкімшілік ғимараты 150 келушіге дейін қабылдауға мүмкіндік береді. Сондай-ақ орталықта күту залы бар, онда өз кезегін ондаған клиент күте алады.
КҚҚО-ға кіргенде келушіні қызықтыратын мәселе бойынша кеңес беретін ресепшн қызметкері қарсы алады. Қажетті құжаттарды дайындағаннан кейін, тіркеу өтетін операциялық залға жіберіледі. Клиенттің деректері көші-қон қызметіне беріледі, онда олар өңделеді және тіркеледі, содан кейін тізілім арқылы халыққа қызмет көрсету орталығына жіберіледі, осылайша құжаттарды қабылдау және беру ХҚКО арқылы, яғни тікелей мемлекеттік корпорацияның қызметкерлері арқылы жүзеге асырылады», — деп толықтырды полиция департаменті.
Сонымен қатар, ғимаратта медициналық мамандар кабинеті, сондай-ақ кафетерий орналасқан.
Мекеме көші-қонға байланысты беру бойынша мемлекеттік 21 құжаттың 13 түрін ұсынады. Мұнда шетелдік азаматтар ЖСН ала алады, мемлекеттік баж салығын төлей алады, сақтандыру полисін ресімдей алады. Сондай-ақ, көрсетілетін қызметтердің қатарына визалық қолдау, тұрақты тұруға тіркеу және азаматтық алу, ҚР азаматтарын мемлекеттен тыс жерлерге шығуға ресімдеу және т.б. мәселелерді шешу кіреді», — деп хабарлады ведомстводан.
Сурет: inform.kz
