2018 жылдың қазан айында Үкімет Қаулысы негізінде ішкі істер департаменттері полиция департаменттері болып өзгертілді. Алматыда полиция бөлімшелеріндегі кестелерді ауыстыруға, полиция куәліктерін қайта шығаруға, жаңа бланкілер мен мөрлерді дайындауға ондаған млн. теңге бөлінді, деп хабарлайды Еуразия бірінші арнасы.
Телеарнаның ақпараты бойынша, алматылық полиция бөлімшелерінің атауын өзгерту қалалық бюджетке 60 млн.теңге түсті.
Сондай-ақ, өткен жылы 350 көше атын өзгертті. Екі жыл ішінде 500 көше басқаша аталды.
Көше атауын өзгертудің негізгі мақсаты қаланың әртүрлі аудандарында бірдей атауларды жою болып жарияланды,себебі қалаға қосылған кенттерде қала ішіндегі көше атауларымен сәйкес келетін атаулар болған. Сондай-ақ, бұл ҚР Президентінің Жарлығына сәйкес «көшелер мен алаңдардың идеологиялық ескірген атаулары» деп аталатын науқанның бір бөлігі. Сонымен, жаппай қайта атау саясаты аясында көше атауларынан Кеңес қайраткерлерінің, соғыс және Еңбек Батырларының есімдері, сондай-ақ тарихи атаулар жойылды.
Жақын арада тағы үш жүз көше аттары өзгертіледі. Қазақстан Республикасы Мәдениет және спорт министрлігі Тілдерді дамыту комитеті төрағасының м.а. Ғалымжан Мелдешов атап өткендей, көшелерді қайта атау кезінде жастар өз мәдениетін және Қазақстанның қалыптасуына үлес қосқан адамдарды білуі керектігі ескеріледі.
Баспахана иесі Азиз Бұрханов бір тақтайшаның ең төменгі бағасы-1000 теңге екенін хабарлады. Бұл оның көлемі мен безендірілуіне байланысты. Алматылықтар, тақтайшалардың ішінде ең әдемісі Назарбаев көшесінде (бұрынғы Фурманов көшесінде) орнатылғанына назар аударды.
Сурет: vecher.kz
