Адамзатқа келген жаңа қауіп-қатер – коронавирус індеті Еуразиялық экономикалық одақ елдерінде медициналық бұйымдар мен препараттарды көбірек өндіру қажеттілігін туындатып қана қоймай, жалпы фармацевтикалық нарықты дамытудың өте жақсы перспективаларын туғызды.
Бүгінгі таңда ЕАЭО дәрілік препараттарының бірыңғай нарығының басты мақсаты – одақтық елдердің фармацевтикалық компанияларына өндіріс саласындағы әкімшілік кедергілерді алып тастау және дәрі-дәрмектерді жіберуге байланысты одаққа мүше мемлекеттер нарығындағы “ойынның” нақты ережелерін алуы болып табылады.
Дәрі-дәрмектердің ортақ нарығын дамыту перспективалары туралы айта отырып, қазіргі заманғы фармацевтикалық зауыттары бар Қазақстаннан бастау керек. Алайда, олардың көпшілігі түпнұсқа препараттарды көшіретін генерик дәрі-дәрмек өндіруге мамандандырылған. Сондықтан, өкінішке орай, біздің республика дәрі-дәрмектерді әзірлеу саласындағы үлкен жетістіктерімен мақтана алмайды.
Дегенмен, қазақстандық ғалымдар шетелге миллиондаған долларға сатылатын зоонозды жұқпаларға қарсы вакциналарымен мақтана алады. Қазақстанда бұл болашағы бар бағыт болып табылады.
Қазіргі жағдайда одақтас елдер бірігіп, өздеріне қажетті медициналық препараттар өндірісін ұлғайтуға күш-жігерін бағыттауы керек. Бір басы жақсы, бесеуі – одан да жақсы. Ол генериктер болса да. Шын мәнінде, бұл жақсы дәрілер. Әлемдегі адамдардың көпшілігі емделгенде соларды қолданады, олар қауіпсіз.
Қазақстан одаққа деген көзқарасын өзгертуі керек. Қазір тек экономикалық ынтымақтастықта ғана емес, ЕАЭО-ның барлық мүмкіндіктерін, пайдаланатын уақыт келді.
Тағы бір қосарым, коронакризис аяқталғаннан кейін, Үкіметтердің тапсырысы бойынша одақтас елдердің аумағында өндірілетін медициналық препараттардың тізімі кеңейуі әбден мүмкін
Халықаралық ынтымақтастық мәселелері жөніндегі сарапшы Дәулет Мұхимов.
