Ауылдық жерлердегі 15000 көп балалы отбасы бизнес ашуға грант ала алады. Бұл туралы Еңбек және халықты әлеуметтік қорғау министрі Бердібек Сапарбаев Үкімет отырысында мәлімдеді.
Министрдің пікірінше, ауылдарда тұратын көп балалы аналар мен мүгедектер арасында кәсіпкерлікті дамытуға көмектесу қажет. Ол үшін “Атамекен” кәсіпкерлер палатасымен бірге “Еңбек” Мемлекеттік бағдарламасына тиісті өзгерістер енгізу жоспарланған.
Мемлекет жаңа бизнес-идеяларға 500000 теңге көлемінде тегін гранттар беретін болады.
Бір жылға жоспарланған 14000 микрокредиттің 5000-ға жуығы ауылдық мүгедектер мен көп балалы аналар арасында кәсіпкерлікті дамытуға бағытталады. Нәтижесінде 15 мың көп балалы отбасы өз ісін ашуға мүмкіндік алады.
Аз қамтылған көп балалы ауыл тұрғындары үшін кәсіби курстар мен үйде әлеуметтік жұмыс орындары ашылады.
Сурет: sputniknews.kz
