Көкшетауда Kokshetay kitap land (Көкшетау китап лэнд) жобасы іске қосылды. Жобаның мәні -қала тұрғындары өз смартфондарындағы кітаптарды оқуға немесе тыңдауға мүмкіндік алады, деп хабарлайды “ҚазАқпарат” халықаралық ақпарат агенттігінің тілшісі, Көкшетау қалалық әкімдігінің мәдениет және тілдерді дамыту бөліміне сілтеме жасай отырып.
Ведомствода жоба “Сандық Қазақстан” бағдарламасын жүзеге асыру аясында құрылғанын айтты. Сандық қызмет көрсету орталығының, орталық емхананың ғимараттарында және қоғамдық көлік аялдамаларында интерактивті баннерлер орнатылған.
Қала тұрғындары Qr-кодты сканерлеу арқылы өздерін қызықтыратын кітапқа сілтеме алады. Сілтемені басу арқылы құжаттар алу, дәрігердің қабылдауы немесе автобус күту кезінде, кітап оқып немесе оны тыңдай алады.
Сурет: inform.kz
