Ақмола облыстық терроризмге қарсы күрес штабының өкілдері 23 қазанда Көкшетау аумағында республикалық терроризмге қарсы оқу-жаттығулар өтетінін хабарлады. Бұл туралы kt.kz жаңалықтар ресурсы жазады.
Оқу іс – шараларының мақсаты – терроризмге қарсы операцияларды жүргізуге күштер мен құралдардың дайындығын қамтамасыз ету, терроризм актісінің жолын кесу жөніндегі іс-қимылдар алгоритмін пысықтау және ведомствоаралық өзара іс-қимылды арттыру.
Оқу-жаттығуларға терроризмге қарсы күрес жөніндегі Ақмола штабының құрамына кіретін құқық қорғау және мемлекеттік органдардың қызметкерлері тартылатын болады.
Штаб өкілдері Көкшетау тұрғындарынан оқу іс-әрекеттеріне және уақытша мүмкін болатын қолайсыздықтар ғанибет емес түсіністікпен қарауды сұрады.
Сондай-ақ штаб жалған мәліметтерді таратқандарға Республикамызда жауапкершілік қарастырылатынын еске салды.
Атап айтқанда, Қазақстанның заңнамасына сәйкес, мұндай іс-әрекеттер үшін бір мың айлық есептік көрсеткішке дейінгі мөлшерде айыппұл салу немесе бір жыл мерзімге бас бостандығын шектеу, не сол мерзімге түрмеге қамау түріндегі жаза көзделетінін ескертті.
Сурет: zakon.kz
