Көкшетауда Қазақстан Республикасы мен Ресей Федерациясының шекаралық ынтымақтастық форумына дайындық жалғасуда. Бұл туралы «Спутник Қазақстан» ақпарат агенттігі жазады.
Іс-шара күздің соңында өтуі керек. Қала орталығында «Болашақ Сарайы» балалар мен жасөспірімдер сарайы, Қопа көлінің жағалауы, көпірлер мен жолдар салынуда. Қалалық әуежайда, теміржол вокзалында және қонақ үйлерде жөндеу жұмыстары жүргізілуде. Форум қатысушыларын жаңа тұрғын үй кешендеріне орналастыру жоспарланып отыр.
Басты жобалардың бірі жаңа жағалауда жүргізіліп жатқан құрылыс жұмыстары болмақ. Онда көпірлер, айналма жолдар, жағажайлар, амфитеатр, бақылау, ойын және серуендеу алаңдары салынып жатыр.
Қала тұрғындары көл жағасына амфитеатрға қондырмалы орындарды, шағын сәулет нысандарын, шамдарды, орындықтарды және ақ кварц құмның жеткізілуін қуана бақылауда.
«Қала тұрғындары мен қонақтары әсем көріністі тамашалай алады. Осы аймақта жарықтандырылған екі пирс орналасады»,- деп атап өтті мердігер фирманың басқарушы директоры Бекболат Тұрғымбаев.
Барлық негізгі іс-шаралар балалар мен жасөспірімдер сарайында өткізіледі.
Жобаның жалпы сомасы-10 миллиард теңге.
Форумның басты тақырыбы Қазақстан мен Ресейдің экология, туристік және сандандыру саласындағы ынтымақтастығы болмақ. Екі елдің басшылары — Қасым-Жомарт Тоқаев пен Владимир Путин қатысады деп күтілуде.
