Ұлттық әскери-патриоттық орталықта 8 наурыз Халықаралық әйелдер күніне арналған салтанатты іс-шара өтті.
Кездесу Қорғаныс министрі Нұрлан Ермекбаевтың қатысуымен өтті. Сондай-ақ кездесуге Қорғаныс министрлігінің офицерлері, әскери қызметші әйелдер мен шақырылған құрметті қонақтар шақырылды. Бұл туралы қорғаныс ведомствосының баспасөз қызметі хабарлады.
Қорғаныс министрі Қарулы Күштердің барлық әйелдерін көктем мерекесімен шын жүректен құттықтап, мықты денсаулық, нағыз әйел бақыты және, әрине, кәсіби қызметте табыс тіледі.
Ведомство басшысы әдемі жынысқа арнаған сөзінде: «барлық уақытта сіз отбасы ошағын сақтаушы бейнесін, шабыт көзін, мейірімділік, махаббат пен бейбітшіліктің нышанын бейнелейсіз. Сіз ғылымда, шығармашылық қызметте және қызметте үлкен жетістіктерге жетесіз. Біздің халқымыздың салт-дәстүрі әрдайым әйелдерге деген өте құрметпен қарау болып қала береді. Біздің отандастарымыз ғасырлар бойы батылдықпен ерекшеленіп, ерлермен тең дәрежеде Отанымызды қару-жарақпен қорғай алды».
Салтанатты кездесу барысында қызметтік міндеттерін үлгілі орындағаны үшін және мерекеге байланысты әскери қызметші әйелдерге құрмет грамоталары мен медальдары табыс етілді. Бұдан басқа, әскери атақтар мерзімінен бұрын берілді.
Салтанатты шара мерекелік концертпен жалғасты. Онда Орталық әскери ансамбльдің әртістері мен Қазақстан эстрадасының жұлдыздары өнер көрсетті.
Сурет: mod.gov.kz
