Түркістан облысының әкімі Өмірзақ Шөкеев BS-Agro Produst ЖШС израильдік компаниясының өкілдерімен кездесу өткізді. Бұл туралы облыс әкімдігінің баспасөз қызметі хабарлады.
Кездесу барысында израильдік инвесторлар облыс әкіміне суды қажет етпейтін бақша дақылдарын егу технологиясы туралы айтты. Сонымен қатар тараптар әріптестік қатынастарды дамытуға қатысты мәселелерді қарастырды.
Келіссөздер барысында израильдік компания өкілдері облыс басшылығымен ынтымақтастықты кеңейтуге және өңірде ауыл шаруашылығын дамытуға үлес қосуға дайын екенін мәлімдеді.
Облыс әкімдігінің ақпараты бойынша, бүгінгі таңда BS-Agro Produst ЖШС Ордабасы ауданы Тоқсансай ауылында заманауи технологияларды қолдану арқылы бақша дақылдарын өсірумен айналысады.
Сурет: Inform.kz
