Ақмола облысының әкімі Ермек Маржықпаев израильдік Amos VP Agro LTD компаниясының президентімен екі жақты кездесу өткізді. Онда бірлескен жобаларды іске асыруға қатысты мәселелер талқыланды.Бұл туралы облыстық әкімдіктің баспасөз қызметі хабарлады.
Атап айтқанда, кездесу барысында израильдік компания басшысы әкімге Ақмола облысында бірқатар жобаларды жүзеге асыруды, соның ішінде қаз фермасын салуды және балық шаруашылығын бойынша лосось өндірісін ұсынды.
Сонымен қатар, келіссөзде жоғарыда көрсетілген жобаларды іске асыру мемлекеттік кепілдіктерді талап етпейтінін атап өтті. Израильдік компанияның қаржыландыру көлемі 85% құрайды.
Өз кезегінде, облыс әкімі Ақмола облысының әкімдігі осы компаниямен ынтымақтасуға және оған осы жобаларды жүзеге асыруға көмектесуге дайын екенін мәлімдеді.
Кездесу соңында облыс әкімдігі мен израильдік компания арасында ауыл шаруашылығы саласы ынтымақтастығына бағытталған меморандумға қол қойылды.
