Қазақстан ІІМ-де министрдің жаңа кеңесшісі мен ведомствоның ресми өкілі – баспасөз хатшысы бекітілді. Қазақстан Республикасы Ішкі істер министрі Ерлан Тұрғымбаевтың Жарлығымен бұл лауазымға Нұрильд Ораз тағайындалды.
ҚР ІІМ баспасөз қызметінің ақпараты бойынша Ораз Әл-Фараби атындағы Қазақ ұлттық университетінде бірінші жоғары білім алған, кейін Қарағанды ІІМ Академиясын, Л. Н. Гумилев атындағы ЕҰУ бітірді. Сондай-ақ, АҚШ-та (Калифорния, Флорида) “Болашақ” бағдарламасы бойынша журналист және заңгер мамандықтарына оқыды. оОл “Қазақстан”, “31 арна”, “Астана” республикалық телеарналарында тілші және жетекші-редактор болып жұмыс істеді, БҚО ІІД баспасөз қызметінің бастығы лауазымында қызмет атқарды. Астана қаласы ІІД мемлекеттік тіл және ақпарат департаментінің директоры, ҚР Бас прокуратурасының аппарат басшысының орынбасары және ресми өкілі, “ОРТ-Евразия”телеарнасы бас директорының орынбасары болды.
Министр Тұрғымбаев жаңадан тағайындалған кеңесшіге және баспасөз хатшысына министрліктің БАҚ және жұртшылықпен жұмысын үйлестіруде, оны ұйымдастыруда табыс және оң әрекеттер жасап, ұтымды шешімдер қабылдауды тіледі.
Сурет: inform.kz
