ІІМ-де 13 ақпаннан бастап қазақстандықтар жүргізуші куәлігі мен техтөлқұжаттарын өздерімен бірге алмауға болатыны туралы хабарлады. Өзімен бірге тек бір ғана жеке басты куәландыратын құжат болса жеткілікті.
Бүгін ІІМ қандай құжаттар жеке басты куәландыратын құжат болып саналатынын айтты. Өзіңізбен бірге бір ғана құжат болуы керек – жеке басын куәландыратын құжат. Жеке басын куәландыратын құжаттарға Заңға сәйкес, төлқұжат, оның ішінде қызметтік, шетелдік, дипломатиялық, шетелдіктің тұруға ықтиярхаты, қайту туралы куәлік, жол жүру құжаты, азаматтығы жоқ адамның, босқынның, теңізшінің куәлігі, туу туралы куәлік жатады.
“Сонымен қатар, осы Заңның 7-бабына сәйкес, жеке басын куәландыратын құжатта тегі, аты, әкесінің аты, туған күні, туған жері, азаматтығы, туу туралы куәлігі, фотосурет, құжатты берген органның атауы, берілген күні, құжаттың нөмірі, қолданылу мерзімі міндетті түрде қамтылады. Сонымен қатар, туу туралы куәлік жеке куәлік, төлқұжат, азаматтығы жоқ адамның куәлігін немесе шетелдік паспортты алғанға дейін жеке басты куәландыратын құжат болып табылады”, — деді Әкімшілік полиция комитеті төрағасының орынбасары Серік Түсіпов.
Сурет: zakon.kz
