Еліміздің құқық қорғау органы ІІМ басшысы Ерлан Тұрғымбаев сыбайлас жемқорлық үшін айыпталды деп жазған таратылымның авторын іздеуде. Бұл туралы ақпарат StopFake интернет-ресурсында пайда болды.
«Мен, полиция полковнигі Тұрлыбек Тұрсынбекұлы Ахметов 2019 жылдың желтоқсанынан 2020 жылдың маусымына дейін ҚР ІІМ ақпараттандыру және байланыс департаментінің бастығы қызметін атқардым. Көрсетілген уақыт ішінде маған сеніп тапсырылған бөлімшенің қызметін ұйымдастыруда және ІІМ-ге сандандыруды енгізуде жоғары нәтижелерге қол жеткіздім. Алайда, жалған ақпаратқа байланысты мені ұлттық қауіпсіздік комитеті қызметімнен босатып, қылмыстық іс ойдан шығарды», – делінген Whatsapp хабарламасында.
Ол бұны шарасыздықтан және амалсыздан жазғанын, ІІМ басшысы Ахметов қызметіне қайта алмағандықтан қатты ашу үстінде жазғанын мәлімдейді. Бұдан әрі егер полиция полковнигін Министрдің орынбасары лауазымына тағайындалмаса, онда ол сыбайлас жемқорлыққа елеулі соққы беретін Тұрғымбаевқа қатысты әшкерелеу дәлелдемелерін ашатыны хабарланған.
«Менің дәлелдемелерім – бомба, жеке пайдалануы үшін Тұрғымбаевтың қымбат тұрмыстық техника сатып алуы, сондай-ақ оған қызметте жоғарлау үшін ірі қаражат беру туралы – әлі ештеңе демегегім», – делінген хабарламада.
Интернет-ресурстағы ақпаратқа сәйкес, хабарламада ведомство қызметкерлерінің аты-жөндері бар, атап айтқанда Тұрлыбек Ахметов пен Сергей Варго, алайда олардың бұл таратылымға қатысы жоқ.
«30 Қарашада ІІМ қызметкерлері Т.Ахметов пен С. Варго әлеуметтік желілерде олардың есімдерін пайдалана отырып, шындыққа сәйкес келмейтін, жала мен жалған болып табылатын мәліметтерді орналастырған адамдарды анықтау және қылмыстық жауапкершілікке тарту туралы өтініш жасады», – делінген StopFake-те.
Қазіргі уақытта бұл факті бойынша ІІМ қауіпсіздік департаментінің қызметкерлері сотқа дейінгі тергеу және бұқаралық ақпарат құралдарында жалған ақпарат таратуға қатысы бар азаматтарды анықтауға бағытталған іс-шаралар жүргізуде.
Сурет: tenginews.kz
