Қазақстанның ішкі істер министрі Ерлан Тұрғымбаев мемлекет басшысының тапсырмасы бойынша қамаудағыларға қатысты зорлық-зомбылық фактілері анықталған ЛА-155/8 түзеу мекемесін тексерді. Бұл туралы Ішкі істер министрлігінің баспасөз қызметі хабарлады.
Министрмен бірге түзеу мекемесіне “Адам құқығы үшін хартия” қоғамдық қорының атқарушы директоры Жемис Тұрмағамбетова, Орталық Азиядағы Халықаралық түрме реформасы (PRI) өкілдігі директорының орынбасары Жанна Назарова, сондай-ақ ұлттық алдын алу механизмің мүшесі Игорь Мирошниченко келді.
Комиссия қамаудағылар тұратын колонияның камераларын тексерді, сондай-ақ олардың тұрмыстық жағдайларын қарады.
“Колонияда 737 сотталғандар бар. Еңбекке жарамды-426 адам, 243 адам жұмысқа орналастырылған. Колония аумағында шағын және орта бизнестің жеті нысаны жұмыс істейді, онда 119 адам металл құрылымдары, шлакоблок және тігін бұйымдарын дайындаумен айналысады”, – деп хабарлады министрлікте.
“Қабылдағаннан кейін министр азаматтық қоғам мүшелерімен келіп түскен барлық ұсыныстарды талқылады. Бас бостандығынан айыру орындарындағылардың жағдайын жеңілдету және жақсарту бойынша заңнамалық актілерге өзгерістер енгізу туралы шешім қабылданды”, – деп атап өтті ведомстводан.
Сондай-ақ, министрлік басшысы жұмыс сапары аясында Алматы облысы қылмыстық-атқару жүйесі департаментінің жеке құрамымен кездесті. Олармен әңгімелесу барысында Тұрғымбаев сотталғандардың құқықтарының мүлтіксіз сақталуын бақылауды күшейту қажеттігін айтты.
Сурет: informburo.kz
