Қазақстан Ішкі істер министрлігінің басшысы Ерлан Тұрғымбаев өзінің орынбасары Арыстангани Заппаровқа еліміздің колонияларын тексеруді тапсырды. Бұл туралы Ішкі істер министрінің баспасөз қызметі хабарлайды.
Бүгінгі таңда Заппаров Нұр-Сұлтан (ЕЦ-166/5) және Ақмола облысының (ЕЦ-166/18, ЕЦ-166/25) колонияларына барып қайтты. Онда ол медициналық бөлімдер мен қамаудағылар тұратын отрядтарды қарап шықты.
«Ол ЕЦ-166/5 мекемесінің мектеп пен кәсіптік-техникалық колледжінің жұмысымен танысып, сотталғандарды қабылдап,олармен кездесу өткізді,онда оқытуға жасалған жағдайлар еңбек етуге, ең бастысы, босаған кезде тез әрі табысты бейімделуге ықпал ететінін атап өтті. Арыстангани Заппаров мекеме басшылығы және қызметкерлерімен жеке құрам үшін проблемалық мәселелерді, пенитенциарлық жүйені жаңғырту және жұмыс орындарын құру үшін кәсіпкерлерді тарту мәселелерін талқылады», — деп хабарлады Ішкі істер министрлігінде.
Сондай-ақ, орынбасар түзету мекемесінің басшылығымен еліміздің колонияларының қызметін жақсартуды бақылау жөніндегі мәселелерді талқылады.
«Бұған дейін ІІМ бастамасымен депутаттар, мемлекеттік органдар, ҮЕҰ және халықаралық ұйымдар өкілдерінің қатысуымен «Пенитенциарлық жүйені реформалаудың ашық диалог — құралы» форумы өтті. Халықаралық стандарттарға жақындату, сотталғандарды ұстау жағдайларын жақсарту, адам құқықтарын бұзбау үшін форумға қатысушылардан жұмыс тобы құрылды, олар елдің қылмыстық-атқару жүйесін жаңғыртудың жол картасы әзірлеуде. Жол картасына азаматтық қоғам өкілдері мен құқық қорғаушылардан 200-ге жуық ұсыныстары енді», — деп хабарлады ведомстводан.
