Қазақстанның ішкі істер министрі Ерлан Тұрғымбаев газ баллонының жарылысы туралы істі тергеу кезінде павлодарлық полицейлердің салғырттығына наразы болды.
Жарылыс салдарынан екі адам қаза болып, тағы екі адам қатты күйік алғанымен, адамдардың қаза табуына емес, бөтен мүліктің зақымдану фактісі бойынша іс тергелді.
“Біз автожанармай құю станциясына барып, баллонды толтырдық, үйге әкелдік,біраз уақыттан кейін ол жарылады. Ол қолданылған жоқ, жай тұрды. Бізде өрт шықты, ата-аналарым күйік алады, анам 95%, әкем 73, қызым 60 %. Бізді реанимацияға апарады, үшінші тәулікте анам қайтыс болады”, – деді зардап шеккендердің бірі.
Тұрғынбаев облыстық департамент өкілдеріне бейнебайланыс арқылы , осы іспен айналысқан полицейлердің салғырттығына шағымданып, тіпті оларды қызметінен босатуға дейін тапсырды.
Мен осы мәселе бойынша тексеріс жіберемін. Екі адам қаза тауып, екеуі күйік алды, кінәлілер жоқ па? Газ құятын станция құяды, өрт қауіпсіздігін бұзу, газ құятын арнайы станциялар бар, енді адамдар барады.Өздері өндірісті тоқтатты, сараптама жоқ, ештеңе жоқ. Жалпы Павлодар бойынша сіздің жұмысыңызға мен риза емеспін. Қазір барлық фактілер бойынша тексеріс жіберемін”, – деді министр.
Сурет: factum.kz
