Қазақстан Республикасы Ішкі істер министрлігінің басшысы Ерлан Тұрғымбаев еліміздің оңтүстік астанасындағы медицина қызметкерлерінің қамауға алынуына қатысты түсініктеме берді, деп хабарлайды Қазақстан Республикасы құқық қорғау ведомствосының баспасөз қызметі.
“Бұл туралы айттылды. Біріншіден, ішкі істер министрлігі де, Серік Құдебаевтың баласы жұмыс істеген прокуратура да тергеу жүргізген жоқ. Тергеуді үшінші орган – экономикалық тергеу қызметі жүргізді. Министрлік тарапынан да, прокуратура тарапынан да қысым болған жоқ. Бұл орган өзі шешім қабылдады, сіздер білесіздер, санкцияларды тек сот қана береді”, – деді Тұрғынбаев.
Сондай-ақ, Ішкі істер министрі Құдебаевтың Алматыда дәрігерлерді қамауға алуға қатысы жоқ екенін мәлімдеді. Сонымен қатар Тұрғымбаев азаматтарды ұстау қандай жағдайда жүргізілетінін айтты.
“Бұл әрдайым тұтқындау жүргізіледі деген емес. Бізде кінәсіздік презумпциясы принципі бар. Тек сот үкімімен ғана қылмыс жасады деп айып шығарылады. Егер тергеу органында бұл адам тергеуден жасырынуы мүмкін деп пайымдауға жеткілікті негіз болса, не өз лауазымдық өкілеттіктермен тергеуге кедергі келтірсе ұсталуы мүмкін, біздің заңда жазылған. Неге бұл істі ІІМ тергеген жоқ, бұл істі неге экономикалық тергеу қызметі тергеді,себебін,неге ондай шешім қабылданғанын мен айта алмаймын”, – деп түсіндірді министр.
Соңында Қазақстанның құқық қорғау ведомствосының басшысы бұл істі неге экономикалық тергеу қызметі тергегенін айтты.
“Мүдделі немесе аталған қызметкерлер басқа органдарда басшылық ететін адамдармен туыстық қарым-қатынаста болса, үшінші құқық қорғау органына беру туралы шешім қабылданады. Мұнда үшінші шешім – экономикалық шешімдер қызметіне беруді қабылдады. Прокуратура осындай шешім қабылдады”, – деді Ерлан Тұрғымбаев.
Сурет: zakon.kz
