Білім және ғылым министрі Асхат Аймағамбетов Балалардың құқықтарын қорғауға қатысты қабылданып жатқан шаралар туралы айтты, деп “ҚазАқпарат”ХАА хабарлайды.
“Күзет практикасы саласында бала құқықтарын қорғауды күшейту, тұрмыстық зорлық — зомбылыққа қарсы іс-қимыл жасау және жасөспірімдер арасындағы суицидтік мәселелерін шешу бойынша шаралар кешені іске асырылуда”, – деді Асхат Аймағамбетов БҒМ алқа отырысында. Ол негізгі бағыттарды атап өтті. “Кәмелетке толмағандардың істері және олардың құқықтарын қорғау жөніндегі комиссияның құзыреті кеңейтілді, әкімнің аппаратында комиссия хатшысы үшін жеке штат бірлігі көзделген, мектептер мен колледждерде балалардың құқықтарын қорғау мәселелері жөніндегі балалар өкілдіктерінің аппараты енгізілді. Өздеріңіз білетіндей, біз сапаны қамтамасыз ету жөніндегі комитеттеріміздің өңірлік департаменттерінің базасында балалардың құқықтарын қорғау жөніндегі жергілікті омбудсменнің функцияларын орындайтын арнайы штаттық бірлікті енгіздік”, — деп министр түйіндеді.
