Солтүстік Қазақстан бойынша техникалық реттеу және метрология комитеті департаментінің өкілдері Қазақстандық стандарттау және сертификаттау институты филиалының қызметкерлерімен бірлесіп Петропавлда орналасқан “Масло-Дел” ЖШС филиалының кәсіпорнында болды.
Сауда және интеграция министрлігінің ақпараты бойынша, бұл сапардың басты мақсаты- кәсіпорын өкілдеріне техникалық реттеу және метрология саласындағы нормативтік құжаттардың талаптарын түсіндіру.
Атап айтқанда, жұмыс сапары барысында сауда министрлігі комитетінің өкілдері жоғарыда аталған кәсіпорынның қызметкерлерін кеден одағының “Орама қауіпсіздігі туралы”, “Азық-түлік өнімдерін таңбалау бөлігі”, “Май өнімдері”, “Сүт және сүт өнімдерінің қауіпсіздігі туралы” техникалық реттемелерінің талаптарымен таныстырды.
“Масло-Дел” ЖШС филиалының қызметкерлеріне сүт және сүт өнімдерінің нормативтік құжаттары және нормативтік қор туралы ақпарат берілді.
Қазақстандық сауда министрлігінің ақпаратына сәйкес, “Масло-Дел” ЖШС – сүт өңдеумен айналысатын Қазақстанның ірі кәсіпорындарының бірі. Ол түрлі сүт түрлерін, сондай-ақ қаймақ, айран, йогурт, майлы айран, ірімшік, сүзбе, тәтті май және ультра пастерленген кілегей өндіреді.
Сурет: trade.gov.kz
