Иран Ислам Республикасының Президенті Хасан Роухани оның елі мен Еуразиялық экономикалық одақ осы жылдың 27 қазанынан бастап еркін сауда аймағын құратынын мәлімдеді. Бұл туралы Иранның басшысы Ереванға Жоғары Еуразиялық экономикалық кеңестің отырысының ашылуына ұшар алдында айтты.
Сондай-ақ, Армения астанасына ұшар алдында Иран Президенті ЕАЭО-мен уақытша келісім күшіне енгеннен кейін, 500-ден астам Иран тауарлары одаққа қатысушы елдердің нарықтарында ерекше жеңілдіктерді пайдалану құқығына ие болатынын атап өтті.
Хасан Роухани Иран аймақтық экономикалық одаққа қосылатынын және бұл АҚШ-тың оның еліне “ең жоғары қысым” саясатын жалғастырған жағдайдағы өте маңызды қадам екенін мәлімдеді.
Иран басшысы Ереванға жұмыс сапары аясында Армения, Ресей және Қазақстан президенттерімен, сондай-ақ Армения мен Сингапурдың премьер-министрімен кездеседі деп хабарлады.
