«Бәйтерек» монументінде Қазақстан президенті Қасым-Жомарт Тоқаевтың тапсырмасы бойынша гуманитарлық акция аясында Ирактан қайтарылған қазақстандық балалардың туыстарына табысталуы өтті. Бұл туралы ҚР Сыртқы істер министрлігінің баспасөз қызметі хабарлады.
Іс-шараға Сыртқы істер министрінің орынбасары Ержан Ашықбаев, астана әкімінің орынбасары Бахтияр Мәкен, Сыртқы істер министрлігінің ерекше тапсырмалар жөніндегі елшісі Станислав Василенко және білім және ғылым министрінің кәмелетке толмағандардың құқықтары жөніндегі кеңесшісі Раиса Шер қатысты.
Іс-шараға қатысушылар еліміздің Тәуелсіздік күні қарсаңында балалар өз туыстарына берілгенін атап өтті. Олар мемлекет балалардың қауіпсіздігін қамтамасыз етуге өте мүдделі екенін ерекше атап өтті. Шара соңында елорда әкімдігі мен қазақстандық дипломаттар бірлестігі балаларға естелік сыйлықтар табыс етті.
Іс-шарада алдағы уақытта бұл балалар мемлекеттің бақылауында болады және Қазақстанның басқа балаларымен бірге қарапайым мектептерде оқуға мүмкіндік алады.
