Қазақстан делегациясы 1-2 тамыз аралығында Токио астанасында болды, онда жапон компаниялары және ұйымдарының басшылығымен бірқатар кездесулер өткізді.
Қазақстан делегациясы құрамына индустрия және инфрақұрылымдық даму министрлігі Индустриялық даму және өнеркәсіптік қауіпсіздік комитетінің, Сыртқы істер министрлігі Инвестиция комитетінің және «Kazakh Invest «ҰК» АҚ өкілдері кірді.
Екі жақты кездесулер барысында екі елдің өкілдері инвестициялық жобалар мәселелерін қозғады.
Сондай-ақ іс-шаралар кезінде «Nippon Express» жапондық ірі логистикалық компаниясы осы жылдың тамыз айында Қазақстан аумағында өз өкілдігі ашылатынын хабарлады. Жапония «Sumitomo Mitsui Banking» Corporation» банкінің басшылығы Қазақстан тарапына «Бәйтерек «ҰБХ» АҚ-мен бірлесіп ашқан несие желісін белсенді пайдалануды ұсынды.
