zhetysu.genplan kz сайтында Алматы облысының 742 елді мекенінің қала құрылысы жобалары туралы ақпарат интерактивті карта түрінде жиналатын болады. Қазіргі уақытта порталды ақпаратпен толтыру жұмыстары аяқталу сатысында. Мәліметтерді жинауды, жүйелендіруді және орналастыруды Алматы облысының қалалары мен аудандарының 20 сәулет және қала құрылысы бөлімдерінің қатысуымен “Алматы облысының сәулет және қала құрылысы басқармасы” ММ жүзеге асырады.
2018 жылғы 27 қарашадағы жағдай бойынша 742 елді мекендегі құрылыстарды сипаттайтын, егжей-тегжейлі электрондық карта, 598 бас жоспар жарияланды. Картаны толтыру үшін барлық бастапқы деректер жинақталған. Оларды жүйелеу және жариялау үшін геоақпараттық дерекқорға енгізу жүргізіледі.
Ақпарат, бірінші кезекте, экономикалық белсенді азаматтарға және жаңа нысандар салуды немесе түрлі ғимараттар мен құрылыстарды қайта жаңартуды жоспарлайтын заңды тұлғаларға арналған.
Бас жоспардың көмегімен, объектілердің меншік иесі сәулет органдарына бармай-ақ, жер учаскесінде қандай құрылыс түрлерін салуға рұқсат етілгендігін немесе тыйым салынғанын біле алады. Иелері қолданыстағы объектілерді жоспарлы бұзуы туралы біле алады, немесе, жол немесе инженерлік инфрақұрылым салу үшін, жер учаскелерін беру немесе оларды беруден бас тарту туралы шешімдердің заңдылығын тексере алады.
Алматы облысының сәулет және қала құрылысы басқармасы: “портал құрудың негізгі мақсаты — қала құрылысы жобалары туралы ақпаратты жариялау. Біз бұрын қол жетімсіз ақпаратты ашық жасағымыз келеді. Сондай-ақ, біз адамдардың кең ауқымды бас жоспарлардан хабардар болуы, жоспарлардың іске асырылу сапасын арттыруға мүмкіндік береді деп есептейміз. Барлығымызға белгілі “қоғамдық бақылау” функциясы пайда болады.
Қолданыстағы құрылыс туралы картографиялық мәліметтер 2017 жылы жиналған және жүйелендірілген, ал қала құрылысы жобаларын жүйелендіру және жариялау 2018 жылдың көктемінде басталды.
Карта үш негізгі бөлімнен тұрады: елді мекендердің қолданыстағы құрылысы, қала құрылысы жобаларының материалдары, берілген жер учаскелері.
Сурет: zhetysu.gov.kz
