Интернет байланысы жоқ қазақстандық ауылдарда қашықтықтан оқыту Қазпошта арқылы жүргізілетін болады. Бұл туралы Білім және ғылым вице-министрі Шолпан Каринова мәлімдеді.
Ол атап өткендей, Қазақстан аумағында осындай бірнеше ауыл бар және онда қашықтықтан оқыту мүмкіндігі жоқ.
“Біз Казпоштамен келісімге қол жеткіздік, оған сәйкес мектеп оқушылары ауылдарда тапсырмалар алып, орындалған жұмыстарды пошта арқылы жіберетін болады”, – деді вице-министр.
Қазақстан аумағында ағымдағы жылдың 16 наурызынан бастап төтенше жағдай жарияланды, барлық оқушылар демалысқа мерзімінен бұрын шықты, ал студенттер қашықтықтан оқуға өтті. 6 сәуірден бастап Оқушылар қашықтықтан оқытуды бастайды.
Сурет: m.sputniknews.kz
