Қазақстан Индустрия министрінің орынбасары Берік Камалиев біздің ел мен Ресей арасында пойыз қатынайтын болады деп мәлімдеді. Бұл туралы министрліктің баспасөз қызметі хабарлайды.
Берік Камалиевтің айтуынша, екі бауырлас мемлекет арасында сегіз жолаушы және алты қала маңы пойызы қатынайтын болады.
Алайда, министрдің орынбасары Қазақстан Республикасына келуді жоспарлап отырған шетелдіктерге пойыздарға билет сатылмайтынын атап өтті.
Сонымен қатар, Берік Камалиев пойыздар Петропавл станциясына келіп, мамандар келген жолаушыларды бақылап шығады деп нақтылады.
Сондай-ақ, индустрия министрлігі басшысының орынбасары Қазақстан аптасына 49 тұрақты халықаралық авиарейсті тоқтатып, 84 халықаралық рейстерді қысқартқанын айтты.
Министрдің орынбасары мұндай шешім коронавирустық инфекцияның таралуын болдырмау үшін қабылданғанын атап өтті.
Қазақстан Денсаулық сақтау министрлігінің ақпараты бойынша, біздің елімізде коронавирус ауруының 10 жағдайы тіркелген.
Сурет: m.ru.sputniknews.kz
