Индустрия және инфрақұрылымды дамыту министрлігінде кадрлық тағайындау орын алды, деп хабарлайды ҚазАқпарат халықаралық ақпараттық агенттігі, ҚР Премьер-Министрінің сайтына сілтеме жасап.
Үкімет қаулысымен Қайырбек Өскенбаев Қазақстан Республикасы Индустрия және инфрақұрылымдық даму министрінің бірінші орынбасары қызметіне тағайындалды және бұрын атқарған қызметінен босатылды; Берік Қамалиев Қазақстан Республикасы Индустрия және инфрақұрылымдық даму министрінің орынбасары қызметіне тағайындалды; Аманияз Ержанов Индустрия және инфрақұрылымдық даму министрінің орынбасары қызметіне тағайындалды.
Қайырбек Өскенбаев 1964 жылы Кеңес Социалистік Республикалар Одағы Ішкі істер министрлігінің Қарағанды жоғары мектебін, Ақмола аграрлық университетін, Гумилев атындағы Еуразия ұлттық университетінің Дипломатиялық академиясын бітірген. Өткен жылдың қаңтарында Индустрия және инфрақұрылымдық даму министрінің орынбасары болып тағайындалды.
Берік Камалиев 1960 жылы Қарағанды облысында дүниеге келген. Қарағанды политехникалық институтын, Қарағанды мемлекеттік университетін, Ресей Президенті жанындағы Ресей Мемлекеттік қызмет академиясын бітірген. Өткен жылдың қаңтарынан бастап “East Mar Kazakhstan” жауапкершілігі шектеулі серіктестігі Директорлар кеңесінің төрағасы болып қызмет атқарды.
Аманияз Ержанов 1960 жылы БҚО-да туған. Жамбыл гидромелиоративтік-құрылыс институтын, Қазақ мемлекеттік басқару академиясын бітірген. Өткен жылдың маусым айынан бастап Қазақстан Республикасы Қорғаныс және аэроғарыш өнеркәсібі министрінің орынбасары қызметін атқарды.
Сурет: inform.kz
